پیاز کا چھلکا اتارتے وقت آنسو آنا معمولی بات ہے البتہ جب تعداد میں زیادہ ہو تو یہ چھوٹا سا کام بھی بہت کٹھن ہوجاتا ہے۔ عام طور پر ...
پیاز کا چھلکا اتارتے وقت آنسو آنا معمولی بات ہے البتہ جب تعداد میں زیادہ ہو تو یہ چھوٹا سا کام بھی بہت کٹھن ہوجاتا ہے۔
عام طور پر ایک پیاز کا چھلکا اتارنے میں دو سے تین منٹ لگتے ہیں اگر کوئی ماہر باورچی اتارنے یا کاٹنے کھڑا ہو تو وہ اتنے ہی وقت میں پیاز کے چھوٹے چھوٹے ٹکڑے بھی کردیتا ہے۔
انٹرنیٹ پر ایک شخص نے پیاز کا چھلکا اتارنے کا آسان طریقہ بتا کر بالخصوص خواتین کی بڑی مشکل دور کردی۔
جیمز ریمبو نے ایک سیکنڈ میں بغیر آنسوؤں کے پیاز کا چھلکا اتارنے کے طریقے کی ویڈیو شیئر کی۔ اُن کا یہ طریقہ صارفین کو بہت زیادہ پسند آیا اسی وجہ سے ویڈیو وائرل ہوگئی۔
مزید پڑھیں: پیاز کے چھلکوں کی چائے کے اہم طبی فوائد
ویڈیو میں دیکھا جاسکتا ہے کہ نوجوان نے پیاز کو چھلکے سمیت درمیان سے تھوڑا سا کاٹا اور پھر اس پر زور سے مکا مارا جس کے بعد چھلکا خود ہی علیحدہ ہوا اور انہوں نے آسانی سے اسے اتار دیا۔
اس کام میں جیمز کو صرف ایک سیکنڈ کا وقت لگا۔ انہوں نے ویڈیو شیئر کرتے ہوئے لکھا کہ اب آپ بھی بغیر روئے پیاز کا چھلکا اتار سکتے ہیں۔
COMMENTS