لاک ڈاؤن : سلطنت عمان نے اہم فیصلہ کرلیا

مسقط : سلطنت عمان نے بدھ سے شاپنگ مالز اور کچھ تجارتی اور صنعتی ادارے کھولنے کا اعلان کیا ہے، خریداری کیلئے آنے والے شہریوں کو احتیاط...

مسقط : سلطنت عمان نے بدھ سے شاپنگ مالز اور کچھ تجارتی اور صنعتی ادارے کھولنے کا اعلان کیا ہے، خریداری کیلئے آنے والے شہریوں کو احتیاطی تدابیر پر لازمی عمل درآمد کرنا ہوگا ۔

سرکاری خبر رساں ایجنسی کے مطابق اس فیصلے کے تحت رئیل اسٹیٹ، ٹریول ایجنسیاں، مینٹینس بزنس اور ڈرائی کلینرز کھولے جائیں گے تاہم صارفین کو کم از کم دو میٹر کی دوری کو برقرار رکھنا ہوگا۔

ادھر مصری وزیراعظم مصطفیٰ مدبولی نے کہا ہے کہ فرض نمازوں کے لیے مساجد کھولنے کا فیصلہ کیا ہے البتہ جمعے کو مساجد اور اتوار کو گرجا گھر بند رکھے جائیں گے۔

ذرائع ابلاغ کے مطابق مصری وزیراعظم نے منگل کو پریس کانفرنس میں بتایا کہ حکومت کا 25 فیصد تک ریستوران اور قہوہ خانے کھولنے کا بھی اردہ ہے۔ آئندہ اس پروگرام میں ترمیم بھی کی جاسکتی ہے۔

وزیراعظم نے مزید کہا کہ قہوہ خانوں میں کورونا وائرس سے حفاظتی تدبیر کے تحت حقہ نوشی کی اجازت نہیں ہوگی۔ انہوں نے بتایا کہ ریستوران رات کو نو بجے اور قہوہ خانے 10 بجے بند کردیے جائیں گے۔

مصری وزیراعظم کے مطابق ہفتہ جون 27 سے سینما گھر کھول دیے جائیں گے۔ شائقین ہر سینما گھر اور تھیٹرمیں 25 فیصد کی گنجائش تک ہی آسکیں گے۔ یہ فیصلہ کورونا سے بچاؤ کا سلسلہ برقرار رکھنے کے لیے کیا گیا ہے۔

انہوں نے کہ ملک میں کورونا سے متاثرین کی تعداد قابو میں ہے۔ وزارت صحت اور اعلیٰ تعلیم کی وزارت حالات کو کنٹرول کیے ہوئے ہے۔

وزیر اعظم کا کہنا تھا کہ کورونا کے حوالے سے زیادہ بڑا چیلنج عظیم قاہرہ کے حوالے سے ہے۔ مشاہدے میں آیا ہے کہ50 فیصد متاثرین کا تعلق قاہرہ، القلیوبیۃ، الجیزۃ سے ہے، 60 فیصد اموات کا تعلق بھی انہی تینوں مقامات سے ہے۔