کراچی، آن لائن ٹیکسی ڈرائیور کا کرونا سے بچنے کے لیے انوکھا بندوبست

کراچی: شہر قائد میں آن لائن ٹیکسی ڈرائیور نے کرونا وائرس سے بچنے کے لیے انوکھا بندوبست کرلیا۔ اے آر وائی نیوز کی رپورٹ کے مطابق ک...

کراچی: شہر قائد میں آن لائن ٹیکسی ڈرائیور نے کرونا وائرس سے بچنے کے لیے انوکھا بندوبست کرلیا۔

اے آر وائی نیوز کی رپورٹ کے مطابق کراچی میں آن لائن ٹیکسی ڈرائیور نے کرونا سے مسافروں اور خود کو بچانے کا بندوبست کرلیا۔ذرائع کا کہنا ہے کہ ڈرائیور کی جانب سے ڈرائیونگ سیٹ کے اطراف پائپ کی مدد سے پلاسٹک لگادیا گیا ہے۔

آن لائن ٹیکسی ڈرائیور نے یہ اقدام اس لیے کیا ہے کہ گاڑٓی میں سوار افراد اور وہ خود عالمگیر وبا سے محفوظ رہ سکے۔

واضح رہے کہ کرونا وائرس کے پھیلاؤ کے پیش نظر آن لائن ٹیکسی سروس پر پابندی عائد کی گئی تھی تاہم بعدازاں ترمیم کے تحت آن لائن ٹیکسی میں 2 افراد کو سفر کرنے کی اجازت دی گئی تھی۔

یاد رہے کہ سندھ میں کرونا وائرس سے گزشتہ 24 گھنٹوں میں 21 افراد ہلاک ہوگئے اور کیسز کی تعداد 1564 تک جاپہنچی ہے جبکہ جاں بحق افراد کی مجموعی 1124 تک جاپہنچی ہے۔

آن لائن ٹیکسی سروس اور دیگر مارکیٹس ایس او پیز کے تحت کھولے جانے کے بعد شادی ہال مالکان کا بھی مطالبہ ہے کہ ایس او پیز کے شادی ہال کھولنے کی اجازت دی جائے۔